Kretxeu

Data 19/01/2017 12:46:54 | Tópico: Poemas

Kretxeu nha korason sta perdidu,
Na imensidon di bu destinu,
kubridu na lensol di bu surissu,
Presu a sentimentus
Rasbikadu na papel di bus desejus,
Sem bo nada mas ka ten sentidu:
Strela na seu ka ten brilhu,
Dia torna sukuru,
Tristesa e nha mundu,
Alegria e Kuzas kim pidi mais,
Felicidadi torna difisil,
karinhu manda-m mantenha,
Pensamentus bira velorio di nha dor,
Sedi di bu beiju e tantu, sima terra seku ta pidi txuba,
kretxeu:
Bu ta lembra cantu Nconxe-u?
kusa flou era txeu,
Palavras passa longi,
Bu sorrisu prendi nha korason,
Bu olhar konkuista nha atenson,
Amizadi bira vos di nos amor,
kretxeu:
Bu ta lembra kantu N konxe-u?
Noti troka ku dia,
iscuridon abrasa lus,
Vosis di nhas sentimentus grita altu,
a procura ekus di nos sonhus.
Fetu: adilson pinto - 12-12-2016


Este texto vem de Luso-Poemas
https://www.luso-poemas.net

Pode visualizá-lo seguindo este link:
https://www.luso-poemas.net/modules/news/article.php?storyid=319082