FLOR DI NHA SER

Data 24/01/2017 11:30:13 | Tópico: Poemas

Plantadu na txon di dificuldadi,
Amaradu na bentu di sonhus y isperansa,
Enkarseradu na bekus atenson y proteson,
Presu a emoson,
Fitxadu na timides,
Ki ka ta leba-m nun kau,
Vida ta bai rapidu,
Nu ten ki liberta di sentimentus,
Ki ka ta trazi nada di bon pa nos vida,
Nu ten ki aji,
Ku razon,
y non ku emoson,
E un canson,
Difísil di badja,
E un parentisi,
ki ten perioridadi,
Oras ki nu ta multiplica-l,
Flor di nha ser,
Ki ta abasteci na bu amanheser,
Sende-m kel lus,
Pam brilha na palku di Konfiansa,
y ku nha eu pam ser ator dy nha estória.
Fetu pa : Adilson Pinto - 18-01-2017


Este texto vem de Luso-Poemas
https://www.luso-poemas.net

Pode visualizá-lo seguindo este link:
https://www.luso-poemas.net/modules/news/article.php?storyid=319251