NA BO
Data 14/08/2017 11:12:06 | Tópico: Duetos
| NA BO!
Adilson Pinto : Na bo mi e…
Na bo mi e strela ki brilha Kaminhu,
Na bo mi e sonhus e passus ki levou a portu seguru
Na bo mi e speransa,
Konfiansa na terra fertil
Na bo mi linha infinitu na universu
Na bo mi e…
Na bo mi e silensiu na tardi friu di invernu
Na bo mi e poezia i bu kalor fraternu
Na bo mi e sabura juventudi
Sinira Menezes: Na bo mi e…
Na bo mi e saude dinheru simpatia
Mi e Korda di violon
Son di gaita
Gritus di passarus
Na bo mi e posu di felicidadi
Abrasus i ternura na tempus di guerra
Na bo mi e…
Na bo mi e alegria na bu Kompassu
Na bo mi e filisiidadi depos di sofrimentu
Mi e speransa depos kin fladu nunka mas
Mi e serteza di nos ignoransia
Mi e gritu di liberdadi
Mi e voz de fraternidadi
Nos e un so
E sempre nu ta stendi kumpanheru mo
Dueto- Adilson Pinto e Sinira Menezes – 05/08/2017
|
|